نبغى اثنين عمالقه

تحيه طيبه : نبغى محاوره مع اثنين لاحياء هذا القسم وانا سأتولى البدع وعبدالله علي الرد ونبغى اثنين يبدعون ويردون ولكم التحيه:

البدع

تقول المسا يابو علي والمسا فات
ولكن دوّر حل ياشف طريقه
انا حالف ان الخوف قلبي ما طبّه
ولكن بعض النّاس وضعي حلي له

حياك يااخوي
فكرة حماسية
لاهنت ولاهان ابوعلي
بانتظاركم

إرحب إرحب يابو سعد


( الــرد )


هلا مرحبا من بعد طول المسافات
ومـثلك من العالم طـريـقي طـريقه
ومـن لا يـغـامـر ويـتـجـاوز مــطــبـه
يخونه من العـشره ثمان وحـلـيـلـه

السلام عليكم ورحمة الله وبركاته

فكرة رائعة والإبداع من الشعرا أكيد
ننتظر مشاركة وقدوم شاعرين آخرين ليكتمل العقد الفريد
وقراءة جميل الشعر و متميزه

تقبلوا الإمتنان والتقدير ،

كنت أتمنى أن يشارك أحد الشعراء غيري ولكن يبدوا بأن الأختبارات أبعدتهم عن الشعر
إن قبلتوني أبو سعد وأبو علي

البدع


هلا مرحبا بك يا خبير الحسابات
عسى ما نسيت إن العلاقه وثيقه
هجرت الوطن وتقول ماصرت أحبّه
ومابين غرب الوقت والشرق ليله

الرد

حيّا الله عبدالله بعد ما فالحسا بات
عسى بعدها يرجع لنا بالوثيقه
مزارع ولكن جعل ما فات حبّه
ويارب وافر حظ له عن قليله

حياك يابوعبدالرحمن وهذا ما نتمناه فالمثل يحث على نصيان الحصون وانت مازلت حصن لهذا الصرح ولكن لا يمكنني التنبؤ بما سيكون بعد المحاوره ...

استلم

البدع

انا ما سليت وقالوا اللي سلا مات
وانا اشوف دمّي لا تنشّف تريقه
سعد يتهمني زور ما خاف ربه
مصيره يقر بفزعتي وانعمي له

عشتوا وصح الله ألسنتكم
ولاهنتوا على هذا الطرح

( الرد )

سلامات يابو قلب طيب سلامات
أبو زيـد ما نـخبرك نشفـت ريـقـه
عميلك يفيد الـتـمـر ما خاف ربـه
يخلص ديـونه يا سعد من عميله

الله عليكم ياعمالقة شعر
لازلت مستمتعة
لا توقفون لاهنتوا